قنّاص المعرفة



قناص المعرفة
ليس مجرد منتدى

قنّاص المعرفة


 
الرئيسيةبوابة المتميزس .و .جالمجموعاتبحـثالأعضاءالتسجيلدخول

شاطر | 
 

 والله ان فراق الاحباب يذبح وماينسااا ابد

اذهب الى الأسفل 
كاتب الموضوعرسالة
βỉŁέĻ ẌĦųήŧễя
مديـــر المنتديات
مديـــر المنتديات
avatar

ذكر

مشآرڪآتے مشآرڪآتے : 4044

العمر : 24


مُساهمةموضوع: والله ان فراق الاحباب يذبح وماينسااا ابد   الجمعة 05 يونيو 2009, 23:02

ماهو سر الثمان سنين في قصائد فراق الاحباب ..!!

بعد الفاصل .. 

قصيده لشاعر مجهول 

وهو الحبيب الذي تعرف على حبيبته من مشيتها في مكان عام ومع ذلك لم تعرفه ..!!

ويقول فيها : 

شفتها يا سعود صدفه بعد ما غابت سنين *** عند قسم المختبر وسط مشفى الجامعه 

جيتها ثم قلت ممكن في سؤالي تسمحين *** ناظرت فيني بدهشه نظره متواضعه 

قالت انته تحسبني من بنات صايعين *** تحسبني في زماني عن طريقي ضايعه 

قلت انا ماراح اطول كلبوها كلمتين *** وابعدت عني شويه ثم جتني راجعه 

قالت اسال واضح انك من رجال طيبين *** بس هرجك يالسنافي كان وشهو دافعه 

قلت انا حبيت وحده يوم كنا صغيرين *** ومن ثمان سنين راحت للمواصل قاطعه 

عقبها ماذقت نوم يهتنيه النايمين *** ساهر في طول ليلي لين شمسي طالعه 

اذكر انه فيه حبه فوق ثغره من يمين *** واذكر انه لاجرينا كن شعره تابعه 

واذكر انه عاشق الورد والياسمين *** وصار قلبي بالورود اللي عشقها زارعه 

طابعا اسمه بقلبي فيه (سين) وفيه (عين) *** وفيه (الف) وفيه (دال) وسط قلبي طابعه >> اسمها منيره 

قاطعتني بقولها سبحان رب العالمين *** كررتها مره .. ومرتين .. ورابعه 

قلت وشفيك وشبلاك يابنيه ترجفين *** ليش عينك يابنيه من كلامي دامعه 

قالت الموقف وقلبي والمحبه والحنين *** كيف اشوفك بعد ماكنت عنك قانعه 

قلت انا بسألك ان كانك انتي تذكرين *** عن مواثيق ثمنها من حياتي دافعه 

قالت ظروف الزمان ماتطيع العاشقين *** بيعوني غصب حبك لو هو ماني بايعه 

انا في دنياي حالي كنها حال السجين *** حتى لو فكوا سراحه فيه شي ٍ مانعه 

زوجوني غصب واحد وحرموني حاجتين *** السعاده في زماني والحياه الرائعه 

والحين انا ام لثلاثه ريم وياسمين *** والولد اسمه على اسمك والمشاعر جايعه ...!! 





:


قصيده صاحبها الظاهر انه مات على كلامه في آخر شطر 

وكل من نقلها نسبها لشاعر مختلف وشخصية الشاعر غائبه لا يعرفها إلا الشاعر نفسه او من يعرفه .. 

وهي قصيدة المعلم اللي يقولون انه تعين في ديرة فيها حبيبته التي تزوجت قبل 8 سنوات 

وكان ولدها يقولون انه ابو سبع سنين ( ويدرس في اولى ج ) في المدرسة اللي تعين فيها المعلم 


>> نعنبو الحظ إذا نواك بالشر ..

ويقول فيها : 

مرت ثمان سنين حل ٍ وترحال *** مرت ثمان ٍ كلها مِدلهمّه 

سألت عنها سنين وشهور وليال *** ولا فيه فج ٍ غير وجهت يمه 

وبعد الثمان اللي تعبها شقي الحال *** جاب الزمان الكارثة والمطمه 

جاني ولدها يبتسم بين الأطفال *** ومن بسمته ذكرت أنا بسمة امه 

شفته وصاحت داخلي كل الآمال *** وصوت ٍ عجزت بكتم الأنفاس ألمه 

واستلهمت نفسي مقاديم الأهوال *** وتم الضياع ووكدت لي متمه 

ساعة حضنته والطفل في يدي مال *** وشميت ريحتها على أطراف كمه 

والحين بنت الناس في بيت رجال *** وحب ٍ على غير الشرف لي مذمه 

برجع غريب ٍ سكته بر ورمال *** يموت , يحيا , يندفن , مايهمه ..!! 



قصيدة للشاعرة عابرة سبيل (( رحمها الله )) عندما كانت تسير وسط السوق فعرفها حبيبها الغائب .. 

وتقول فيها : 

مشيت بالزحمه مع الناس بالسوق *** ولا ادري من اللي طق كتفي بمسباح 

ادرّج النظرات من تحت ولا فوق *** وشهقت مثل اللي تواجه بالأشباح 

غايب ثمان سنين والقلب محروق *** أتلى العهد به تو ما شاربه لاح 

واليوم عندي ناحل ٍ بيّن عروق *** وعوارض ٍ على اصفر الوجه واجراح 

والله يادمع ٍ تحدر من الموق *** إنه على الموطى من العين لا طاح 

يقول لا تزعل من البعد ياشوق *** وانا كما اللي قاضي ٍ منه جراح ..!!



.

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو https://www.facebook.com/BilelLawliet
Wassim
مراقـب عــام
مراقـب عــام
avatar

ذكر

مشآرڪآتے مشآرڪآتے : 2893

العمر : 24


مُساهمةموضوع: رد: والله ان فراق الاحباب يذبح وماينسااا ابد   السبت 06 يونيو 2009, 11:07

شكرا جزيلا





الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://w19935.skyrock.com
 
والله ان فراق الاحباب يذبح وماينسااا ابد
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
قنّاص المعرفة :: (¨`•.¸`•.¸ المنتدى الثقافي ¸.•'¸.•'¨) :: °•( الشعر والخواطر )•°-
انتقل الى:  



© جميع  الحقوق محفوظة لمنتديات قناص المعرفة ©

βỉŁέĻ ẌĦųήŧễя