............الشعب يريد اسقاط ..................... الهم.................

سولو واحد المكلخ: كيفاش دير إيلا بغيتي تصيد قنية؟
قال ليهم: غادي نتخبى مورا شي شجرة ونقلد الصوت ديال خيزو.
واحد الاستاد ديال الفرنسية سول التلاميذ دياولو: أشنو هي النجمة بالفرنسية؟
واحد التلميذ عرفها ولكن حشومي، وقالها لصاحبو الكسول. داك الكسول هز صبعو وقال للاستاذ: ليطوال
L'étoile
تعجب الاستاذ من هاداك الكسول وقال ليه: ركبها في جملة مفيدة.
جاوبو الكسول: اللي طوال يرجعو اللور، واللي قصار يزيدو القدام.
هادا واحد الراجل سول الطبيب ديالو: دكتور، واش غادي نقدر نلعب البيانو من بعد ما ندير هاد العملية؟
قال لي الطبيب: أكيد
قال ليه الراجل: مزياااااااان. حيت ماعمرني كنت نعرف نلعب البيانو من قبل.
هادا واحد القرزاز سايق الموطور ديالو و هاز خنشة ديال الطحين. شوية تلفت موراه و هو يموت. بان ليه الخط البيض ديال الشانطي و هو يسحاب ليه واش الدقيق ديالو اللي كيتكفح ليه.
واحد المسموم عندو طاكسي. طلق مرتو، و مللي مشى يوصّلها لدار بّاها خدم ليها الكونتور
هادا واحد مبوق شد واحد الخفاش و بدا كيضحك. سولوه علاش كيضحك, قال ليهم :هادي أول مرة نشوف فار لابس عباية

السلام عليكم
اتمنى منك اخ لطفي ان تختار النكت المفهومة
جزاك الله خيرا

ان شاء الله