معلومات عن غوص الليل

سلوك السمج بالليل :

ساكن وهادي واغلب السمك تقدر تلمسة بايدك وحتي تقدر تصيدة بايدك وخصوصا الصافي والجين والعماد وتقدر تلعب مع سمج الزينة بالوانه الرائعة والشجر المرجان والاشياء العجيبة الي ما تقدر تشوفها الي بالليل .
البالول والهامور تشوفة كانه ميت بس من تجرب منه صار فشقة وعلشان تقدر تشوفة بالميفرة لازم تركز نظرك داخل الميفرة لانه يكون لونة بلون الصخرة فمن الصعب انك تشوفة علي الطاير ومرات تلقاه متعلق داخل الميفرة بس من فوق يعني الي عليك تنزل بالارض وتطل بسقف الميفرة

الشعري الكبير دايم تلقاه بالميفرة وبروحة وهم من الصعب انك تشوفة لان المشكلة بالليل الالوان حقيقية والسمك دائما يتخفي بطريقة تغيير لونة بلون صخر الميفره هم لازم تركز عدل علشان تشوفة طبعا نور الكشاف مركز بالفتحة .

الفسكرة : الصغيرة والمتوسطة تلقاها غالبا برة الميافر ترعي وتقدر تلمسها ما تهاب اما الكبيرة جدا جدا دائما تلقاها بالميافر وداخل الصخر الكبيرة الي قطرها اكثر من مترين ولونها يفضحها وخصوصا اللون الاصفر الي بالذيل واصلا علي قولة العراقيين اتباوعك وتباوعها وجنها تقولك يلا ولد عمي ارميني بالمسدس وفكني من ظيم البحر

الخثاك : تلقاه بين مايتين او تحت بالقوع وما يحتاي صوكة علي الراس وفصل راسة عن جسمة وحطة بالمشبك

الصافي : بما ان الصافي الكبار تارس البحر هل اليومين تقدر تلقطه بايدك او بالمسدس او الجزة الصغيرة وراح تلق متعه وضحك بطريقة صيدة وخصوصا من كثرتة تقول زرازير.

الينم : من كثرة ومن كثر ما يقارب مالك خلك ترميه .


أنواع الميافر

1. في ميافر من المرجان الي تكون مثل الصحن الكبير ويكون قطرها اكثر من متر او متشابكه وهذي قليلة السمك بس طل تحتها وتري الي تحتها السمك تكون الفتحة الي بين الصحن والارض تقريبا شبر وسبحان الله تقاه فيها خير لان بين الصحن والارض حفرة تكون غزيرة نوعا ما اما الاجناب مثل ما قلت شبر
2. الميافر الي من الصخر الكبار جدا هذي تحصل كل خير فيها وخصوصا تحتها او اذا كانت فيها فتحات طل فيها وحتي اذا كانت من فوق .
3. الميافر الي تصير بجفيف القوع او القصار وهذي مربط الفرس برطام وبالول وهامور وشعري الخ والي لاحظته ان البالول دايم منخش بميفرة علي قدة يمكن يكون متاهب حق الصيد
4. برة الميافر وبالرمل تلق وحر مزلقان وخوفع وخثاك ولخم وهذي الاشياك متع نظرك فيها .

اوقات الصيد بالليل .

1. الفسادة بجميع المايات من اتظلم الدنيا الي الفير والانسب وقت الثبر طبعا
2. الحمل ويكون اباولة او باخرة ..... واخر السجي والثبر كلة

المســـدس :

يكون مسدس هواء ضغط اصغر حجم والحبل قصير تقريبا 100 سم لان السمك ابد مقارب يمك والسهم اهنيه الحجي انا عني استعمل سهم الكابر لانه ما يخطي وسهل التركيب بالمسدس بس بصيد البالول لازم ترميه بالراس بسهم الكابر ولا ترمية بالذيل او البطن 75% منحاش منك تراه قوي بالمعافر مجرد لف جسمة يفلت السهم واذا كانت الميفر سنعة ارمه بالراس وطلعة بايدك لا تسحبه من السهم لان راح يطلع معاك السهم ولو تلاحظون ان البواليل والهامور الي معروضين ابموضوعي كبر والصيد والغوص 8/6/2006 مو بين عليهم اقضوض الرمي بالسهم لانه نرميهم فوق الراس المكان الصلب القوي ونطلعهم بايدنا وبعدين نحطهم بالمشبك وبعدين نسحب السهم .... وهذي الملاحظة حق جميع السمج الكبار اول شي حط السمك بالمشبك وبعدين طلع السهم ونصيحة اذا كان هامور او بالول جذاعي وتستعمل السهم الكابر خل الي معاك اذا كان عندة مسدس يرميه وياك بالراس علشان تضمن انه ما يفلت .
وهذي صورة السهم مع المسدس